آه يا مريم يا أم الإله… لما يضيق بينا الخناق… احنا البشر
آه يا مريم يا أم الإله… لما تييجي علينا التجارب… كعقاب أو عتاب أو نسمة ضرر
نغلي ونشكي، نبكي ونحكي، وآه تجر آه تخلي العقل ينفجر
وننسى آه اللي ما قالتها أم الإله… ولدت يسوع وسط الخراف وسط الجاموس وسط البقر
بس كل اللي قال يا أم الإله.. يا أم المخلص تاجر وكسب وأبداً ما خسر
طلبوا شفاعتك طلبوا حنانك، لاقوا حبك زي السحاب فاض عليهم وانتشر
وكل اللي آمن شاهد وعاين أن جمالك فاق النجوم فاق الشموس فاق الكواكب وفاق القمر
في الزيتون وبابا دبلو… نورك علي ولعلع وظهر
لكل مسلم ولكل قبطي والكل فهم الدرس والكل كتب والكل نشر الخبر
أن العذراء أم الإله عملت آيات ومعجزات وتركت على كل جرح أثر
وكان الأثر أن آه يا أم الإله اللي ماقولتيها كانت لينا ثمر
ثمر عصا هارون أفرخت وأثمرت أحلى ثمار الشجر
شجر طالع ل فوق .. يقول فووق يا للي قلبك عنيد ياللي قلبك حديد يا للي قلبك حجر
وتقول ع العذراء كلام تشهر بيها عشان عاوز تتشهر
وناسي حزقيال لما شاف الإله داخل وخارج والباب ما إنكسر
ويبقى بكده سامحوني يا عُفاف اللسان لما أقول قطع لسان اللي يقول ع العدرا أن المسيح جاها بزرع بشر